ACTIVIDADES
Todas as nosas actividades están deseñadas para potenciares ao máximo as túas habilidades e acadares os teus obxectivos.
DESCUBRE TODAS AS NOSAS ACTIVIDADES
CrossFit
CROSSFIT
Ofrecemos clases adaptadas a todos os niveis, tanto para principiantes como para persoas máis avanzadas. O noso enfoque está baseado na mellora da forza, resistencia e condición física a través de exercicios funcionais que mesturan levantamentos de obxectos externos, movementos ximnásticos e exercicios cardiovasculares. Contamos cunha equipa de profesionais cualificados que se preocupan polo benestar e a seguridade do alumnado, garantindo un ambiente motivador e inclusivo.
Open Box
OPEN BOX
Desfruta da nosa zona específica de adestramento libre nos horarios que mellor se axusten ás túas necesidades.
Mobilidade
MOBILIDADE
As nosas aulas de mobilidade están deseñadas para mellorares a túa a flexibilidade, estabilidade e control do corpo. A través de exercicios específicos, achegamos ferramentas para mellorar a amplitude de movemento nas articulacións e evitar lesións. Combina exercicios de forza en rangos máximos, con estarricamentos e técnicas de recuperación muscular.
Ximnásticos
XIMNÁSTICOS
As clases de ximnásticos están pensadas para desenvolveres as habilidades de ximnasia, calistenia e forza corporal, mellorando a coordinación, equilibrio e propiocepción. Deprenderás a execución de movementos avanzados como o muscle up, pull ups, handstand push up ou toes to bar, así como técnicas para mellorar a forza funcional. Estas clases son perfectas para tinxir a forza e a mobilidade necesarias para realizar movementos complexos en CrossFit.
Barbell
BARBELL
Nas clases de Barbell, enfocámonos na ensinanza da técnica de movementos de halterofilia, como o clean & jerk e o snatch. Os nosos adestradores axudaranche a perfeccionar a técnica de levantamento olímpico para maximizar o rendemento e garantir a seguridade. Estas clases son ideais tanto para principiantes como para persoas máis avanzadas que desexen afondar na mecánica específica e acadar mellores resultados.
Parellas Ártabras
Parellas ártabras
Nas clases de Parellas Ártabras poderás desfrutar de dinámicas únicas ben en equipos ben en parellas, fomentando a colaboración e a motivación mutua. Cada sesión mestura exercicios de forza, resistencia e condición física, onde cumprir retos e completar desafíos de alta intensidade. Este tipo de adestramento favorece a cohesión do grupo, mellorando o rendemento colectivo e creando un ambiente dinámico e motivador. Ideal para quen busque diversión, competición saudábel e apoio constante no proceso de mellora física.
Híbridos
HÍBRIDOS
A actividade híbrida é un reto de resistencia e forza que combina exercicios de alta intensidade con percorridos de carreira. Deseñada para poñer á proba a túa condición física de maneira integral, cada participante deberá superar distintas probas que combinan movementos funcionais como saltos, carreira, ergómetros, empuxes e levantamentos. Prepárate para dar o mellor de ti nun ambiente motivador!
Adrestramento Individualizado
Adestramento Individualizado
As sesións 1:1 de Adestramento Individualizado son o apoio perfecto para complementares as túas clases de CrossFit. Perfecciona a túa técnica, gaña forza e mobilidade, desbloquea movementos man a man cun membro da nosa equipa de adestradores. Progresarás ao teu ritmo cun obxectivo claro: alcanzares o teu máximo expoñente.
O NOSO EQUIPO
Ártabros está formado por un equipo de profesionais apaixonados que dan o mellor de si cada día. Os nosos adestradores están aquí para axudarche a superarte en cada sesión.
